Kopa txapelketa jokatzeko sailkatu diren bi euskal taldeek garaipen batekin itxi dute lehen itzulia. Baskoniak luzapena jokatu behar izan du, baina azkenean hamabostgarren garaipena lortu du jarraian Manresaren etxean (95-101).

Bilbao Basketek berriz, 78-70 irabazi du Canarias taldearen aurka. Partida hasieran erraz gainditu dute aurkaria, baina erlaxatu eta izerdia bota behar izan dute azken txanpan irabazteko.

Lehen itzuliko azken jardunaldian Lagun Arok ere garaipena eskuratu du aspaldiko partez. Gipuzkoarrak sailkapenaren putzuan murgilduta daude, baina aste honetan etorkizunera itxaropen pixkatekin begiratzeko aukera izango dute.