Martinez de Irujok eta Zabaletak erraz eskuratu dute aurreneko puntua finalerdietako ligaxkan

Juan Martinez de Irujok eta Jose Javier Zabaletak eskuratu dute Binakako Txapelketako finalerdietako ligaxkaren lehen puntua, Olaizola II.ri eta Ibai Zabalari 22-8 irabazita.

Ibai Zabalaren ezintasun keinua, Irujo albaoan duela. (ARGAZKI PRESS)

Juan Martinez de Irujok eta Jose Javier Zabaletak erraz irabazi diete Olaizola II.ri eta Ibai Zabalari Gasteizko Ogueta pilotalekuan jokatu duten partidan.

Aspekoek oso argi izan dute hasieratik beren estrategia eta Zabalari eraso egin diote etengabe eta Berrizkoa gainditu dute, horrela 15 tanto lortuz.

Gaurko garaipenarekin, urrats handia egin du Aspeko bikoteak finalean sartzeko.