Euskal Herriko Itzuliko hirugarren etapa lehiatuko dute gaurkoan txirrindulariek. Orica taldea dugu orain arteko protagonista nagusia, lehenengo bi etapak irabazi baititu, bata Gerransekin, Daryl Impeyrekin bestea.

Esprintak atzean utzi eta mendatean amaituko da gaurko etapa. La Lejanako gaina izan da Itzulia irabaztera etorri direnak bere tokian jarriko dituen lehen amaiera.

Haren aurretik, Zarate, Humaran, Reineta eta Cobarongo mendateak igo beharko dituzte txirrindulariek.

Etapa Gasteizen hasiko da eta Trapagaranen amaitu eta 165 kilometro egin beharko dituzte.