ELA, LAB, ESK, STEE-EILAS, EHNE, Hiru, CNT eta maiatzaren 30eko greba orokorra antolatu duten eragile sozialen ordezkariek greba deialdia erregistratu dute Donostian, Lakuako Lan Ordezkaritzaren egoitzan. Nafarroan atzo egin zuten.
Ainhoa Etxaide eta Adolfo Muñoz LAB eta ELAko idazkari nagusiak buru zirela, egungo eredu ekonomiko eta soziala aldatzeko «aukera bakarra» mobilizazioa dela nabarmendu dute. Krisi egoera honetara «estatu kolpe ekonomiko baten ondorioz» iritsi garela salatu dute, eta klase politikoa «bere egiten» ari dela lan eta gizarte alorrean egin diren lorpen guztiak «deuseztatzeko».
«Egiten dutena baino beste alternatibarik ez dagoela esaten digute, baina hori gezurra da», salatu dute. «Herria kalera ateratzen bada, politikariak erabakiak aldatzera behartuko ditu», adierazi du Etxaidek.
Greba orokorra une honetan «egin daitekeen desobedientzia ariketarik onena» da sindikatu eta eragile horien ustez eta, ildo horretan, euskal langileriari maiatzaren 30ean kalera ateratzeko deia egin diote.
Ribera derecha de Burdeos, caladero de ideas para la construcción de viviendas
Ambulancias de Osakidetza, un servicio de camino a urgencias
Una acción de denuncia de la colaboración de CAF con Israel acaba con un detenido en Bilbo
Mikel Zabalza gogoan: «Memoriaren herria gara, ezkutuan gorde nahi dutena argitaratuko duena»
