Irailaren 29an abiatuko da Bertsolari Txapelketa Nagusia Villabonan lau urteko zikloa bete eta gero. 16. edizioa izango da eta abenduaren 15ean amaituko da, BECen jokatuko den finalarekin. Azken edizioan bezala, hamalau saio izango ditu aurtengoak.

Azken bi urteotan egin diren herrialdeetako txapelketetan eskuratu dute bertsolariek Txapelketa Nagusian parte hartzeko aukera. Horiez gain, orain lau urteko finalistek zuzenean lortua zuten txartela. 43 bertsolari arituko dira guztira.

Duela urtebete hasi zen txapelketa prestatzen Bertsozale Elkartea eta irailaren 17an egingo dute aurkezpen ofiziala. Bertan, txapelketaren gaineko xehetasun guztiak emango dituzte. Irailaren 26an, aldiz, Txapelketa Nagusiaren aurkezpen festa egingo dute.