ELA, LAB, ESK, STEE-EILAS, EHNE, HIRU, CNT eta CGT-LKN sindikatuek, eta Euskal Herriko dozenak eragile sozialek, Eskubide Sozialen Karta osatzeko lehenengo Nazio Batzarra burutuko dute larunbatean Eibarren.
Helburua, «pobrezian, injustizian, bazterketetan eta bereizkerietan» oinarritutako ereduetatik urrun, Euskal Herrian eredu ekonomiko eta sozial propioa erdiestea izango da.
«Eskubide sozial eta laboralen errespetuan, justizia sozialean, ingurugiroarekiko aitortzan eta errespetuan, pertsonen arteko botere-harreman hierarkikoak gaindituko dituen eta herritar guztien parte-hartze sozio politikoa bermatuko dituen Euskal Herria nahi dugu», azpimarratu dute ohar bidez.
Aldarripanetetatik harago, ordea, «euskal jendarte osoaren indarrak eta garatzen ari garen borrokak batzeko eta bidean elkarrekin lerrotzeko unea» dela iritzi diote, Eskubide Sozialen Karta «borrokarako tresna baliagarria izateaz gain, alternatiba eraikitze bidean, eredu ekonomiko eta sozial propioa garatzeko bide emango digula ziur gaude; Euskal Herrian eta Euskal Herriarentzat egin eta erabakia. Eta ez elite ekonomikoek erabakia».
Ildo horretan, Euskal Herriko eragile guztiei Eskubide Sozialen Kartaren osaketan «era aktiboan» parte hartzeko deia luzatu diete eta maiatzaren 30eko greba orokorrari babesa adierazi diote.
La resaca del 21A en Nafarroa: Morbo, perplejidad y ciertas notas de decepción
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
