Peshawarreko Badaber barrutian jazo den atentatuak muga zaintzen duen paramilitar talde baten (Frontier Corps, FC) ibilgailuak zituen jomugan, Jawed Marwat hiriko polizia inspektoreordeak ‘Dawn’ egunkariari baieztatu dionez.

Iturri horren arabera, eztandaren ostean tiroketa izan da segurtasun indarren eta erasotzaileen artean.

Gutxienez 14 hildako eta 25 zauritu utzi ditu kalte material larriak eragin dituen atentatuak.

Hildakoen artean ez dago FC-ko kiderik, baina zaurituen artean talde paramilitarreko kideak, haurrak eta emakumeak daude, Shafiula Khan polizia buruak adierazi duenez.