Oriok San Miguel Ligako lidertza eskuratu du bere etxean burutu den estropadan hirugarren sailkatu ondoren. Hondarribia izan da azkarrena eta denboraldiko bigarren garaipena lortu du nagusitasun osoz. Urdaibiak berriz, bigarren egin du.

Oriok Kaikuk lehen ziabogan egindako hutsa baliatu du lidertza hartzeko. Izan ere, Jose Luis Kortak zuzentzen duen taldea trabatuta geldituta da eta hamabost bat segundu galdu ditu estropada buruan zihoanean.

Azken estropadaren ondoren, Orio eta Kaiku berdinduta daude sailkapen nagusian baina gipuzkoarrak aurretik sailkatu direnez lidertza ahrtu dute. 91 puntu dituzte bi taldeek. Urdaibiak berriz, 88 ditu. Hondarribia laugarren tokian dago 77 punturekin.