Laudioko Guardian enpresako langileei soldataren %7,14ko jaitsiera onartarazi nahi dietela salatu du LAB sindikatuak. Antza, zuzendaritzak gutuna igorri die langileei soldata jaitsiera hori proposatuz, baina LABen arabera «behartu» egin nahi dituzte langileak jaitsiera onartzera eta mehatxuak ere izan dira, tartean telefono deiak.

LABek salatu du hitzarmen kolektibo berri bat ere sinararazi nahi diela zuzendaritzak, «azkena urtarrilean sinatu bazen ere!». Laudioko Guardian enpresak «egungo koiuntura ekonomikoa profitatu nahi du langileei soldatak jaitsi eta irabaziak areagotzeko», LABen arabera.