Garaipenak eskuetatik iges egin dio Baskoniari (78-79). Justin Doellmanek Laboral Kutxaren defentsako akatsa baliatu du azken unean Valentziari garaipena eman dion saskiratzea egiteko.

Bi taldeak parekaturik iritsi dira azken laurdenera. Laboral Kutxak defentsa gogortu du eta aurretik jarri da, bukerarako minutu eta erdi falta zirela (74-73). Rafa Martinezek 76-77koa jarri du 30 segundoren faltan, baina Mainoldik bi saskiratze libreak sartu ditu, eta Baskonia 78-77 aurreratu da. Bukaerarako bi segundoren faltan berriz, Doellmanek saskiratze erabakigarria lortu du (78-79).