Gauerdian itxiko da neguko merkatuko fitxaketak egiteko epea eta ordu gutxi lehenago baieztatu du Realak Sergio Canalesen fitxaketa. Tramite burokratikoak osatu zain daude bi aldeak fitxaketa ofizial egiteko.

Jokalari kantabriarrak mediku azterketa gainditu du baina ez Donostian.

Realak azken ordura arte itxaron du bere fitxaketaren berri emateko, eskuin belaunean zituen arazoak gainditu dituela baieztatu artean.

Canalesek 2018ko ekainaren 30era arte sinatuko du Realarekin eta datorren astelehenean aurkeztuko dute.