Ibon Iparragirreren senideek NAIZi adierazi diotenez, gaur goizean Gizaburuagako bere etxean paisanoz jantzitako poliziak zebiltzan eta ondoren Ertzaintzaren hainbat patruila agertu dira. 10.45 aldera atxilotuta eraman dute.
Iparragirrek gaixotasun larria du eta 2011ko urritik etxean dago, espetxealdi arinduan.
Senideek uste dute Iparragirre Ondarroako Ertzaintzaren komisariara eraman dutela.
Etxeratek azaldu duenez, Auzitegi Nazionalaren aginduz atzeman dute ondarroarra. Auzitegi Goren espainolak Iparragirreri eta Asier Badiolari ezarritako kartzela zigorra berretsi zuen joan zen astelehenean eta horren ondotik etorri da agindua.
Senideek Iparragirreri eta bere familiari horrelako egoera bat jasanaraztea gogor salatu dute, izan ere Ondarroarra astero joaten baita Basauriko espetxera sinatzera eta atzo bertan ere han izan zen.
Etxeratek nabarmendu duenez, Iparragirreren osasun egoerak ez du aldaketarik izan. Ondarroarrari eta gaixotasun larria duten gainerako presoei 92. artikulua aplikatzeko exijitu du.
Lateralidad, un tema desconocido pero crucial en el aprendizaje de las niñas y niños
El obispo de Gasteiz sobre las víctimas del 3 de Marzo: «Hay tensión, son de cáscara amarga»
Herri Norte rechaza las agresiones sexuales e instituciones piden que se aclaren los hechos
La "Y vasca" acumula 2.200 millones de sobrecostes y 20 años de retraso
