Asier Gonzalezek Guardia Zibilaren esku jarraitzen du, Madrilen.

Inkomunikazioa altxa ziotenez, bilbotarraren abokatua den Jone Goirizelaiak lagunduta galdekatu dute poliziek.

Uriola.info agerkari digitalak, abokatuaren iturriak aipatuta, adierazi duenez, atxiloaldiko tratua zuzena izan da eta bihar pasako da epailearen aurretik.

Atzo goizaldean atxilotu zuten Asier Gonzalez Santutxun, eta zenbait miaketa egin ondoren altxa zioten inkomunikazioa.

Iluntzean, ehunka lagunek manifestazio jendetsua egin zuten aipatu auzoan, Gonzalezen askatasuna galdegiteko.