Hirugarren etapa sprintean erabaki da, eta Orica-GreenEdge taldeko Michael Matthews txirrindulari australiarra nagusitu da Gasteizko helmugan.
Matthewsen ondotik helmugaratu dira Kevin Reza (EUC) eta Michal Kwiatowski (OPQ).
Orica taldeak hirugarren aldiz jarraian izan da nagusi Gasteizko helmugan.
Tinkoff-Saxo taldeko Alberto Contadorrek jarraitzen du sailkapen nagusiaren buruan, Movistarreko Alejandro Valverderi hamalau segunduko aldea ateratzen diola.
Itzuliko etaparik luzeena izan da gaur jokoan, 194,5 kilometrokoa, Urdazubi eta Gasteiz batu dituena.
Etapa hasi eta gutxira ihes egin du Caja Ruraleko Ruben Fernandezek ihes egin du, baina helmugaratzeko 33 kilometro inguru falta zirela harrapatu du tropelak eta minutu dexente galdu ditu ondoren.
Bihar, Euskal Herriko Itzuliko etaparik erabakigarriena izango da jokoan, Arrateko igoeran bukatuko dena (151 km).
Arraterako bidean Asentzio eta Karabietako gainak igaro beharko ditu tropelak, biak 2. mailakoak. Azken 40 kilometroetan, ordea, Izua (1. mailakoa), Aiastia (2. mailakoa) eta Usartza (1. mailakoa, Arratekoa) izango dira gainditu beharrekoak.
El festival solidario Hatortxu Rock celebrará su última edición en julio de 2025, en Lakuntza
Dos cambios radicales de conversación en apenas 25 horas
El exfutbolista Javi De Pedro entra en la prisión de Martutene por una agresión machista
El nombramiento de la nueva directora de Fiestas de Bilbo está al límite del Reglamento
