Gernikan burutu den Bizkaiko Batzar Nagusien osoko bilkuran egin du BECen mailegua birfinantzatzeko iragarpena Imanol Pradales Bizkaiko Aldundiko Ekonomia Sustatzeko diputatuak. Eragiketa Bizkaiko Aldundiak eta Lakuako Gobernuak elkarren artean bermatu dute, erdi bana, Ekonomia Sustatzeko Saileko arduradunak azaldu duenez.
Pradalesek gogorarazi du «beste urrats bat» dela BECen Lehiakortasun eta Iraunkortasun Planean ezarritakoaren barruan. «Garaiz eta forma egokian» bete den beste neurri bat dela esan du, eta BECen etorkizuna «lasai hartzeko aukera» ematen duela, finantziaziorako aurreikuspena «egonkorra eta argia» baita.
Batzar Nagusien osoko bilkuran, Pradalesek esan du «berri oso ona» dela, eta talka planean ezarritakoa lantzen eta betetzen jarraituko dutela gaineratu du.
Ekonomia Sustatzeko foru diputatuak adierazi du Lehiakortasun eta Iraunkortasun Planean jasotako neurriei esker, 2014an BECek «nabarmen» hobetuko duela bere Ebitda negatiboa. Bere esanetan, %30 inguru hobetuko du, 2012rekin alderatuta, eta %65, 2013. urtearekin alderatuta. Bizkaiko Aldundiak eta Lakuak adostutako plan honetan aurreikusitakoaren arabera, BECek 2016an lortuko du oreka operatiboa.
Tik-Tok, tik-tok erloju-bonbak
El PNV solo mantuvo su dominio entre votantes de más de 60 años
«Nos correrían a gorrazos si obligamos a cambiar de bici eléctrica al salir de Iruñea»
Detenido en Iruñea Óscar Reina, secretario del SAT, acusado de un delito de «calumnias»
