Folignon abiatu da gaur Giroko zortzigarren etapa, gorabeheratsua oso. Montecopiolon amaitu da jardunaldia, baina horren aurretik, Cippo di Capegna eta Villaggio del Lagon gora egin behar izan dute.
Ulissik aurtengo Giroko bigarren garaipena eskuratu du; bosgarren etapan lortu zuen lehenengoa. 4 ordu, 47 minutu eta 47 segundu behar izan ditu Foligno eta Montecopiolo lotu dituen ibilbidea betetzeko. Bigarren sailkatua Robert Kiserlovski izan da, eta hirugarrena, Wilco Kelderman.
Sailkapen nagusian ere badira aldaketak. Cadel Evans australiarra da lider berria, Rigoberto Uran eta Rafal Majka atzetik dituelarik.
Giroari buruzko informazio osoa, NAIZeko webgune berezian.