Donostiako Zinemaldiak Sail Ofizialeko lehian ariko diren Euskal Herriko eta Estatuko filmeen zerrenda iragarri berri du. ‘80 egunean’ filma ondu zuten Jon Garaño eta Jose Mari Goenagak ‘Loreak’ lan berria aurkeztuko dute. Beraiena, baina, ez da Euskal Herriko lan bakarra izango. Sail Ofizialean baino lehiaz kanpo arituko da Pablo Malok berriki zuzendu duen ‘Lasa eta Zabala’ lana.
2011n ‘Los pasos dobles’ lanarekin Urrezko Maskorra irabazi zuen Isaki Lacuesta zuzendari kataluniarra ere Donostian Izango da. Sail Ofizialean baina lehiaketatik at aurkeztuko du bere lan berria, ‘Murieron por encima de sus posibilidades’.
Urrezko Maskorrerako borrokan bai izango dira Alberto Rodriguez (‘La isla mínima’) eta Carlos Vermut (‘Magical Girl’).
‘Ander’ film entzutetsua zuzendu zuen Roberto Caston zinemagilea Zuzendari Berriak sailean izango da ‘Los tontos y los estúpidos’ lanarekin, Hermes Paralluelorekin batera (‘No todo es vigilia’).
Bestalde, Iciar Bollainen azken lana (‘En tierra extraña’) Emanaldi Berezietan ikusi ahal izango da.
Esteban se arrepiente de haber ridiculizado el caso de Getxo pero el PNV sigue minimizándolo
Zubietarrak eta iturendarrak, joare soinuz naturaren ernatzea irudikatzen
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
