Arribiribiletako menhirra zutik jartzeko lanak burutu dira gaur. Ekimena Elosua-Plazentzia Estazio Megalitikoa eta bertako ingurunea balioesteko egitasmoaren baitan kokatzen da, ‘Dolmenen Ibilbidea’ ardatz nagusi duelarik.

Eskualde arteko egitasmoa da, Elgoibar, Soraluze eta Bergarako Udalek sustatua, Debegesa Garapen Agentziaren koordinaziopean, eta Gipuzkoako Foru Aldundiaren laguntzarekin.

Arribiribilletako menhirra zutik jartzeko lanak Aranzadi Zientzia Elkarteak burutu ditu, monumentua berriro ere jatorrizko posiziora itzuliz, eta bertako ondare naturala eta kultura ezagutzera emateko helburuarekin antolatu den ‘Udazkena Dolmenen Ibilbidean’ izeneko programa zabalago baten abiapuntu da.