Nafarroako eta Euskal Herri osoko kultur eta jatorri aniztasuna erakutsi eta ospatzeko xedearekin antolatu du EH11Kolorek danbor martxa.

Udaletxeko plazan txupina botata, hainbat batukadek doinuz bete dituzte Iruñeko Alde Zaharreko kaleak. 

Zanpantzarrak, dantzariak eta bestelakoek ere ez diote hitzorduari hutsik egin.

Eragile asko elkarlanean aritu dira jaialdia antolatzeko, eta kalejira koloretsua osatu dute.

Euskal ikurrekin batera, mundu zabaleko beste ikur asko ere presente egon dira Iruñeko kaleetan.