Bezperan bezala, hotza eta giroa pixkanaka berotu duen jendearen joan etorria izan dira Azokako hirugarren eguneko lehen orduetako traza nagusiak.

Bertaratutako asko euren autore eta musikari gustukoenen sinadurak lortzeko ahaleginetan aritu dira beste behin, horretarako ilara luzeak egin behar izan badituzte ere. Gatibu edota Berri Txarrak taldeetako mutilek lan mardula izan dute gaur goizean,  jarraitzaileen diskak sinatzen eta kameraren aurrean begiradari eusten.

Gainerakoan atzo baino lasaiago, baina jendetsu hala ere, abiatu da Azokaren azken aurreko eguna, kanpoan eta barruan ekitaldi ugari eta anitz eskainiaz.