Realak hiru puntuak irabazteko aukera izan du Granadan. Etxeko taldea sailkapenaren zuloan sartuta dago eta txuri-urdinek markagailuan aurreratzea lortu dute lehen zatiaren erdialdean. Carlos Velak egin du gola.

David Moyesen taldeak ez du arazo gehiegirik izan defentsa lanetan emaitza mantentzeko, baina ezin izan dute gol gehiagorik egin. Granadak berriz, egoerak bultzatuta aurrera egin du eta berdinketa lortu du penaltiz. Azken minutuetan andaluziarrak nagusitu dira jokoan, nahiz eta gol aukerak sortzeko beren zailtasunak agerian geratu diren.