Athleticek aurtengo ligako lehen hiru puntuak eskuratu ditu Getaferen aurka San Mamesen. Zuri-gorriek beharrezkoa zuten garaipena eta hasieratik gauzak ondo joan zaizkie. Bostgarren minuturako Adurizek lehen gola egin du.

Etxeko taldeak bere horretan jarraitu du eta Raul Garciak bigarrena eskuratu du atsedenaldira joan aurretik. Nafarrak bikain hasi du ibilbidea Athleticen, gola eginez eta garaipena erdietsiz.

Bigarren zati hasieran partida erabakita uzteko aukerak izan ditu Athleticek. Hala ere, Getaferen gola iritsi da Iraizozek egindako hutsa baliatuz. Zalantzak sortu ditu Athleticen golak, baina Adurizek hirugarrena egin duenean partida erabakita geratu da.