Ausart eta piloteoan nagusi izan da Retegi Bi hasiera horretan, Iberokoak errestoan izan dituen zalantzez baliatuta, 3-7 aurreratu delarik. Noraezean eta eskua lotuta bezala ibili da Irujo, baina sakearekin bi falta egin ditu Eratsungoak, arerioaren beldurrak beretzat hartuz.

Partidak aurrera egin ahala, Irujok bere ezker gantxoa erabiltzen asmatu du, sake-errematean min handia egin dio ezkerrez ere huts larriak egin dituen Retegiri eta 22-15 irabazita, aurkaria nor izango duen zain geratzen da. Altunak bihar Oinatzi irabazten badio, Amezketakoa izango da txapeldunaren finalerdietako arerioa.