Ikus-entzunezko pieza osatzen duten perkusio erritmoek barne hartzen dituzte triangelua, tinbalak eta bateria bezalako instrumentuak, baina baita bestelako soinuak ere: lan munduko perkusioak (olaemakumea), tradizioari oso lotutako adierazpenak (danborrada, joaldunak), kirola (ping pong, pilota, aizkolaritza) eta abar.

«Nolabait, euskal kulturako eta gainontzeko kulturatako soinuen arteko konbinazioa bilatu da bideoan. Horrek guztiak, batuta, multzo harmonikoa osatu du eta aniztasuna gizartea lotzen eta aberasten duen balio nagusi bezala aldarrikatu nahi du, metafora baten bidez», azaldu dute Donostia 2016ko arduradunek.

Horregatik, bideoa kultura eta genero aniztasuneko irizpideak aintzat hartuta editatu da, gaur egungo gizartearen osaeraren lagin orekatua izan dadin.

Bideo nagusiak bi minutu eta erdi inguruko iraupena dauka, eta bestelako bertsio batzuk ere egongo dira, laburragoak, beste euskarri digital batzuetan heda daitezen.