Iñigo Urkullu lehendakaria eta Artur Mas Kataluniako Generalitateko jarduneko lehendakaria Bartzelonan bilduko dira datorren larunbatean, abenduaren 26an, aurreko egunean Camp Nou futbol zelaian jokatuko den Katalunia-Euskal Selekzioa partidaren ondoren.

Joan den abenduaren 20ko hauteskundeen emaitzen ondorioz Estatuan ireki den egoera politiko berria aztertzeko baliatuko dute igandeko topaketa bi agintariek. Hain zuzen, igandean bertan, CUPeko Biltzar Nazionalak Mas Generalitateko presidente izendatzea babestu edo baztertu beharko du, Katalunian hauteskundeak egin zirenetik hiru hilabete igaro direnean.

Bileraren aurreko egunean, larunbatean, bi agintariak Camp Nou futbol zelaiko palkoan izango dira, Kataluniaren eta Euskal Selekzioaren arteko partida ikusteko. Urkullu eta Mas maiatzaren 30ean bildu ziren azken aldiz egoera politikoari buruz hitz egiteko.