Greipelek lau ordu eta hamasei minutu behar izan ditu Noale eta Bibione arteko bidea egiteko, eta Caleb Ewan (Orica) eta Giacomo Nizzolo (Trek) txirrindularien aurretik helmugaratu da.

Helmugaratu eta gero, Giroa uzten duela iragarri du Greipelek. «Gizakia naiz, ez makina bat, eta orain atsedena hartzeko eta beste helburu batzuk prestatzeko ordua da», azaldu du.

Sailkapen nagusian, Bob Jungels luxenburgotarrak buruan jarraitzen du, Andrey Amador eta Alejandro Valverderen aurretik, hurrenez hurren, 24 segundu eta 1,07ko aldea aterata.

Bihar 13. etapa izango da jokoan, Palmanova eta Cividale del Friuli artean (170 kilometro).