AEBetako inteligentzia zerbitzuek mulla Akhtar Mansur Afganistango talibanen buruzagia hil dute, droneak erabilita, Barack Obama presidenteak berak baimendutako operazio batean.
Afganistango Inteligentzia zerbitzuek atzo baieztatu zuten berria. Geroxeago, talibanek.
Mansurrek urtebete baino gutxiago egin du talibanen buruzagi moduan, iazko udan izendatu baitzuten, mulla Omar mugimenduaren sortzailearen heriotza baieztatu zenean. «Denbora asko egin dugu Mansur zelatatzen», esan zuten Inteligentzia zerbitzuek.
Quettako Shurako –Afganistango talibanen mugimenduko zuzendaritza– kide batek AFP agentziari adierazi zion ez zuela lortzen Mansurrekin harremanetan jartzea larunbat gauaz geroztik: «Ez dakigu gauza larriren bat gertatu ote zaion, edo eraso baten beldurrez zelako telefono mugikorra itzali egin zuen».
Balutxistango Ahmad Wal hiritik gertu hil zuten Mansur, AEBetako iturrien arabera. Etxe Zuriak erasoa bukatu ostean eman zien operazioaren berri Afganistan eta Pakistango agintariei. Bi pertsona zihoazen autoa erabat suntsitu zuen aire-erasoak. Barruan zeuden bi pertsonak ezagutzerik ez zegoen. Gorpuak Quettako erietxe batera eraman zituzten.
Mansur izendatu zutenean taliban guztiak ez ziren bat etorri. Batzuek ISIS Estatu Islamikoarekin egin zuten bat. Orain «botere borroka» izango da, Ahmed Rashid analistaren arabera.
EH Bildu reclama una mesa para buscar consenso sobre KAS e Insausti pide «dejar el buenismo»
El Ayuntamiento de Donostia prohíbe las cenas solidarias en la calle para personas sin hogar
«Afaltzea ez da delitua», egin du aldarri KASek, herritarren babes zabalarekin
Piden reducir el consumo de agua en una veintena de municipios de Busturialdea y Lea-Artibai
