Iruñean eginiko agerraldian, Euskal Herriko Eskubide Sozialen Kartak eta TTIP/CETA Ez kanpainako ordezkariek azaroaren 5erako ‘Herriek erabaki. Defendamos nuestra tierra y nuestros derechos’ lelopean deitu duten mobilizazio eguna aurkeztu dute.
Hego Euskal Herriko hiriburuetan egingo dira merkataritza librea bultzatzea helburu duten aipatu bi hitzarmenen aurkako mobilizazioak.
«Ezinbestekoa da gisa honetako nazioarteko merkataritza itunak baztertza, euren helburu bakarra finantza kapitala eta multinazionalak babestea delako, beti ere ingurugiroaren, pertsonen eskubideen eta herrien kaltetan», azimarratu dute.
Mobilizazio egun hori bultzatu asmoz, bi ekimen deitzaileek hainbat asanblada ireki antolatu dituzte datozen egunotarako. Gasteizen astelehenean izango da (19.00etan, ELAren egoitzan), asteartean Bilbon (18.00etan, Boluntan) eta, azkenik, ostegunean Iruñea (19.30ean, Auzoenean) eta Donostian (GKEen egoitzan).