Kubako eta Estatu Batuetako banderak haizatuz atera dira kalera Miamin dozenaka disidente kubatar, Fidel Castroren heriotza ospatzera.

«Kubarentzat askatasuna» eta «Fidel, tirano, eraman ezazu zeure anaia» izan dira gehien oihukatu dituzten kontsignak, Miamiko Versailles kafetegiaren inguruan bildu diren disidenteen artean. Beste hainbatek autoetako klaxonak jo dituzte etengabe, Willy Chirino musikari disidentearen doinuaren erritmoan.