Puntuak ez zuen ezertarako balio eta hobe orain huts egitea, baina enpresako Elezkano-Rezusta eta Altuna-Martijak egin ez duten bezala, bide zuzena alboan utzi dute Ezkurdia-Zabaletak. Bien artean 13 huts egin dituzte eta horrela ezinezkoa da garaipena eskuratzea.

Bengoetxea-Larunbek, aldiz, oso partida serioa egin dute, bien artean bi hust baino ez dituzte batu eta eta hor egon da partidako alderik handiena. Gogor hasi dira Aspekoak eta 2-5 aurreratu dira, batez ere Zabaletak atzean asko dominatu duelako. Ezkurdiak ere errematean asmatu du eta partida kontrolpean zutela ematen zuen.

Dena den, partidak aurrera egin ahala behera egin dute, batez ere atzelariak. Dominatzeari uzteaz gain, kale gehitxo egin ditu eta azken asteetan nabarmen gora egin duen Oinatz Bengoetxeak tantoak pilatzeari ekin dio. Sailkapenean Irribarria-Merino harrapatu dituzte eta azken postuari ihes egiteko borrokatuko dira datorren asteburuan.