Realaren ereserki berriak betiko «aurrera mutilak!» beharrean «aurrera Reala» dio, himnoa «koralagoa, anitzagoa eta inklusiboagoa» izan dadin. Talde txuri-urdinak Twitterren zabaldu berri du Gipuzkoa osoko 170 zalek grabatutako himnoa eta ereserki berria izateaz gainera, «Realak zaleei prestatutako omenaldia» izan nahi duela gehitu du.
Ez da soilik ereserki berria, Realak zalei prestatutako omenaldia bada ere. Elkarrekin indartsuagoak garelako. Aurrera Reala!#NIKEZDUTBIGARRENTALDERIK pic.twitter.com/jkGIeGYlhT
— Real Sociedad Fútbol (@RealSociedadEUS) 2018(e)ko urriaren 30(a)
Realaren himnoa «inklusiboagoa» izatea nahi zuten. «Reala ahots askoren batura da, eta, klubaren iritziz, himnoak ahots horiek guztiak ordezkatu beharko lituzke. Horregatik, aldaketa txiki bat egingo da himnoaren letran, inklusiboagoa eta pluralagoa izan dadin», dio taldeak oharrean.
Nabarmentzen dutenez, emakumeen taldeek ere defendatzen dute Realaren ikurra, eta harmailetan gero eta emakume gehiago daude partidak ikusten. Haiek guztiak ere ordezkatu nahi ditu ereserkia berriak.
Himnoa kantatzea errazteko gainera, moldaketa musikal bat sortu nahi izan du Realak, a cappela kantatzeko bertsio bat, klubak horrela nahi lukeelako himnoa Anoetako estadioan entzutea.
Lateralidad, un tema desconocido pero crucial en el aprendizaje de las niñas y niños
El PNV defiende a Imaz y el PP lo elogia tras doblegarse ante Trump y una pintada en Zumarraga
Guardia Zibilak Altsasuko gaztetxearen eta Udalaren aurka egin du, zazpi kontzertu aitzaki
Dos paradas de Marrero en los penaltis dan el pase a la Real ante Osasuna en un partido agónico
