Iragan urte amaieran, BBAX taldeak ‘Distortsioen munduan’ proiektuaren azken kontzertua eskaini zuen Armendaritzen, Ortzaizeko Ikastolaren alde. Kanalduden kontzertu osoa ikusteko parada izango da laster. Bien bitartean, kontzertuaren zatitxo bat plazaratu du. Zehazki, ‘Aresti hun’ abestia dago entzun eta ikusgai.

BBAX taldea edo BehiBidekoAndereXuriak taldea hiru kantarien inguruko proiektua da. Mirentxu Agerre, Marie Hirigoien Bidart eta Pantxix Bidart biltzen ditu egitasmo honek.