Estatu mailan lortutako emaitzen olatura igo da Errenteriako PSE. Izan ere, lehen indarra izan da botoen %26,85arekin. Horrela, duela hiru urte baino hamar puntu gehiago atera ditu, %16,93a lortu zuenean.
Badirudi Ahal Duguren porrotaren kontura irabazi duela PSEk Errenterian. Koalizio moreak lehenengo indarra izan zen 2016an, botoen %37,25a lortuz. Aurten, ordea, %23,61a lortu du, hamalau puntu jaitsiz.
Duela hiru urte, hirugarren postua lortu zuen EH Bilduk; baina Euskal Herrian lortutako emaitza onak Errenteriara estrapolatu dira. Koalizio soberanistak botoen %21,26a lortu du, 2016an 16,33%a lortu zuelarik.
EAJk ere emaitzak hobetu ditu Errenterian. 2016an %12,09a atera zuen eta aurten, berriz, %17,55a, lau puntu igoz. EAEko herrialde guztietan bezala, PPk eta Ciudadanosek boto kopuru nabarmena galdu dute.
PPk botoen erdia galdu du, %8,51etik %4,59ra. Bestalde, Ciudadanosek 2016an %3,43 ateratzetik aurten %2,88a lortzera pasa da.
Parte-hartzearen inguruan, nabarmendu beharra dago erroldaren %71,76ak botoa eman duela. Duela hiru urte, ordea, %64,82ak eman zuen botoa.
Fallece el profesor de EHU y activista Zesar Martínez
Bingen Zupiria justifica los porrazos de Loiu por «la agresión sufrida» por un agente
«El abuso de pantallas en niños no solo retrasa el habla, está generando discapacidad»
La Generalitat reclama casi 800.000 euros a una monja de Araba por el caso de Sixena