Astelehen honetan sinatu dute Hendaian Iñaki Laskurain Euskal Errugbi Federazioko presidenteak eta Arola Urdangarin Akitania Berria-Euskadi-Nafarroa Euroeskualdeko zuzendariak Euro Basque Rugby Challenge (EBRC) lehiketako bigarren ediziorako hitzarmena.
Errugbiko 2020-21ko aurredenboraldian jokatuko dira partida guztiak, hau da, abuztuaren eta iraila hasieraren bueltan. Aurtengo edizoak, gainera, berritasuna dakar. Izan ere, hiru kategoriatan jokatuko da: gizonezkoen 1. eta 2. maila eta emakumezkoen lehiaketak izango ditu aurtengo edizioak.
2019ko lehen edizioan abuztuan eta irailaren lehen astean jokatu ziren partidak. Finalak Ordizian jokatu ziren uztailaren 7an. Baionako Avironek irabazi zuen txapela.
Euskal Herriko zazpi klubek parte hartu zuten lehen edizioan: Lapurditik Angelu, Aviron eta Biarritz, Gipuzkoatik Ordizia, Hernani eta Bera Bera, eta Bizkaitik Getxo lehiatu ziren aurrekaririk ez zuen «euskal ligan».
Tortura jasan eta ozen salatu zuen Susana Atxaerandio gasteiztarra zendu da
Esteban se arrepiente de haber ridiculizado el caso de Getxo pero el PNV sigue minimizándolo
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
