‘Guk euskaraz, zuk zergatik ez’, Francoaldiaren osteko kanta aski ezagunak oraindik ere baduela zeresana agerian gelditu da larunbat honen eguerdian Iruñeko Udal Plazan. Ehunka eta ehunka lagun, ia Plaza goraino betez, elkartu da Enrique Maya alkateak euskara haur eskoletan murrizteko azaldu duen asmoari aurre eginez.
Hurrengo hiru urteetan zenbait eskoletan gaztelera euskararen ordez sartuz eta beste hainbatetan ingelesa erabiliz, euskarak egun duen presentzia galduko duela iragarri du Navarra Suma-ko alkateak. Bere asmoa bururaino eramaten lortuko balu, egun euskaraz ikasi nahi duten %40aren aurrean %15era baino ez zen helduko Iruñeko Udalaren eskaintza.
Jarrera guztiz deitoragarria dela azaldu du Iruñean Haur Eskola Euskaldunen aldeko Plataformak. «Euskarafobia» ozen salatu dute bildutakoek. «Maya entzun Iruñea euskaldun!», izan da gehien nabarmendu den oihuetako bat.
Iruñea Kantuz ekimenak lagundu du ekitaldia, eta ondorioz haurrekin eta gurasoekin batera aiton-amon ugari ere bildu da protestara. Joseba Asiron Iruñeko alkate ohiak ere parte hartu du. Kontseiluko Paul Bilbaok ere; hauxe txiokatu du:
Argi eta ozen! Euskarafobiaren aurrean bizi-poza eta euskaraz bizitzeko nahia. Politikarien txanda da! #HaurEskolakEuskaraz https://t.co/ozGS0qfA71
— Paul Bilbao Sarria (@paulbilbao) February 1, 2020
La Ertzaintza deja impune la desaparición del test de drogas del hijo de un jefe policial
Mueren tres esquiadores, uno vasco, por un alud junto a los ibones de Brazato (Panticosa)
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
