Koronabirusaren pandemiaren seigarren olatuak eta osasun sistema ez itotzeko baliabide faltak Osakidetzaren kolapsoa ekarri du. Salatu zuten herritar eta osasun langileek herriz herriko protesten bidez, eta salatzen ari dira sare sozialetan ere.

Kolapsoaren eraginak asko eta nabariak dira: deika egon arren Osakidetzarekin harremanetan jartzea ezinezkoa egin zaien herritarrak, aztarnarien deien atzerapenak eta Lehen Arretan zita lortzeko zailtasunak. Beste aldean ere, langileenean, lan-karga handiak eragin ditu langile eta baliabide faltak.

Bada, herritarren arrangura handia bazen Lakuak asteartean iragarri aurretik Osakidetzako protokoloak aldatuko zituela, hasarrea orokortu egin da iragarpenaz geroztik. Aurrerantzean, Osakidetzak ez die jarraipenik egingo covid-19an positibo eman duten pertsonei, ez badira kolektibo zaurgarrietakoak edo txertatu gabeko pertsonak. «Autozaintza» eskatzen zaie herritarrei.

Puntu honetara eraman dute Osakidetza. Osakidetzari enbarazu egiten ari gara gure mukitxoekin. Nola jakin mukitxo batzuk besterik ez direla? Nork esango digu mukitxoak bakarrik direla? Gaixotasun larriak diagnostikatu gabe gera daitezke, herritarrari autodiagnosia exijitzen zaio. https://t.co/fY77Jkg2Pr

— Manu Salbatore (@manusalbatore) December 29, 2021

Goizean herritarrei autozaintza, osea, betiko “buscate la vida” ; atsaldean neurri murriztatzaile gehiago eta kaltetutako sektoreei “aiakuidaus”….total pandemia eta bere kudeaketaren ondorioak externalizatu dituela berriz @iurkullu-k, dena herritarren bizkar. #Hauezdatekla

— Nerea Kortajarena (@NKortajarena) December 28, 2021

Inuxente egunean Osakidetzak iragarri du COVID protokolo berria, Juanpalomo izenekoa. Erraza da: ez joan/deitu osasun zentroetara, zeuk egin testa, zeuk abisatu zeure kontaktuei, zeuk kudeatu baja...@eitbAlbisteak @osakidetzaEJGV

— Edorta Arana (@EdortaArana) December 28, 2021

Eta autozaintza bezala, «autodiagnosia», «autotestak» farmazia askotan agortuta dauden antigeno frogak ordainduta, «autokonfinatzea» edo «automedikatzea». Sare sozialetan askok agertu dute beraien desadostasuna osasun sistema publikora aplikatutako do it yourself filosofiari edo «Ikea ereduko Osakidetza»ri.

Autotestak, autozaintza, autobajak...
Osasun-langileen gainkarga arintzearen oso alde, baina inuxenteen egun hau automedikazioaren aldeko kanpaina instituzional batek bakarrik borobildu dezake.

— Eider Carton (@eidercarton) December 28, 2021

IKEA ereduko Osakidetza...#auzolana

— Igor Elortza Aranoa (@ielortza) December 28, 2021

Tienes que autodiagnosticarte, autoconfinarte, automedicarte y autorastrearte, que no te engañen, les importa una mierda como estés tú y tu familia. @osakidetzaEJGV

— Aratz 1898 (@Aratzgarai) December 29, 2021