Tao Gey-Emparan Bidasoa Iruneko bigarren taldeko jokalariak elastiko horia janzten jarraituko du 2025eko denboraldi amaierara arte. Kluba eta jokalaria akordio batera iritsi dira hori hala izateko. Urruñako jokalariak 19 urte ditu, eta «oso pozik» dagoela adierazi du: «Klubari eskertu nahi diot nigan jarri duen konfiantzarengatik, eta niretzako plazerra izango da Artaleku beteta dagoela jokatzen jarraitzea».

Eskuin hegaleko jokalaria Anglet Biarritz Olympique Handball taldetik Irunera etorri zen orain dela hiru urte, eta 2020-2021eko sasoian egin zuen debuta lehen taldearekin. «Duela hiru urte hasi nintzen lehen taldearekin entrenatzen, eta pixkanaka pixkanaka gero eta partida gehiago jokatu ditut haiekin», nabarmendu du Iparraldeko jokalariak. 

️ Entrevista a Tao Gey-Emparan después de renovar hasta 2025 con el C.D. Bidasoa:

 "Estoy muy contento de seguir y agradecido por la confianza depositada en mí"
 "He disfrutado de un Artaleku lleno"

 https://t.co/fUtv8GQNFh#AupaBidasoa #ArtalekukoIndarra  pic.twitter.com/f2vyPF1GOs

— CD Bidasoa Irun (@CDBidasoaIrun) January 30, 2023

Orain arte 45 partida ofizial jokatu ditu elastiko horiarekin: 33 neurketa Asobal Ligan (31 gol), zortzi Europan (10 gol), bi Kopan (6 gol), eta beste hainbeste Asobaleko Kopan (3 gol).

Bigarren itzulira begira, Urruñako jokalariak Europan hurrengo faserako sailkapena lortu nahi du, eta hortik aurrera, «ahalik eta urrutien» iritsi. Ligako helburuei dagokionez, Gey-Emparanek adierazi du sasoia «ahalik eta hobekien amaitzen» saiatuko direla.