Euskal Herriko Itzulia hasteko, erlojupeko azkarra izan genuen: 20 minutuko esfortzu bortitz bat. Niretzat, pertsonalki, ez zen ibilbiderik egokiena, lauegia aukeran, baina esfortzu on bat izan da Itzulia hasteko, eta Indurain Sari Nagusiko sentsazio horiekin eta hankekin gustura nago.

Aste polit bat etorriko den sentipena daukat. Astearte honetatik aurrera guretzat aproposagoak izango diren etapak iritsiko dira. Gaur esprinterrentzat izango den etapa bakarra da. Haizeak, ematen duenez, bakean utziko gaitu eta inolako arriskurik ez dugu edukiko; beraz, dauden esprinter gutxi horiek aukera ondo aprobetxatu nahiko dute.

Guk, Paul Miquelen dohain hori jokatuko dugu, baina faborito nagusia agian Caleb Ewan dela esango nuke. Azkenean, INEOSek sailkapen nagusirako ez du gizon indartsurik ekarri, baina bai gizon azkar batzuk Caleb Ewani laguntza handia eman ahal diotenak bukaera horretan. Honenbestez, bera joko nuke gaurko faborito nagusitzat.