Egun gutxi egongo da ikusgai ‘Lauaxeta, askatasunari dena eman zion olerkari abertzalea’. Astelehenean zabaldu zituen ateak eta hilaren 19ra arte, ostiralera arte, dago ikugai Bergarako Olaso Dorrean. Ordutegia: 16.00-18.00.
Erakusketak Estepan Urkiaga ‘Lauaxeta’-ren (Laukiz, 1905 - Gasteiz, 1939) ibilbide literario eta politikoa azaltzen ditu, eta garai hartako testuinguru historiko zabalagoan kokatzen du, poeta eta kazetariaren bizitza laburra baina esanguratsua osotasunean ulertzeko.
«Estepan Urkiagaren objektu oso hunkigarriak daudenez eta abertzaletasunaren erreferentzia nagusi horren jaiotzaren 120. urteurrena bete denez aurten», erakusketa bat prestatuko zutela aurreratu zuten joan den azaroan Irati Jimenez eta Urko Aiartza Olaso Dorrea fundazioko kideek.
Memoria proiektu oso bat osatzeko objektu esanguratsuak eskuratu ditu Olaso Dorreak, abertzaletasunaren historiari lotutako hainbat objektu, pieza eta dokumentu esanguratsu. Esaterako, Estepan Urkiagaren argazkia, fusilatu zutenean eskuan zeraman gurutzea edo bere azken egunetan jantzi zuen gabardina.
Azken hau, hainbat urtetan ezkutuan gordeta egon ondoren, 2007. urtearen inguruan senideen eskuetara itzuli zen, eta orain Bergaran dago ikusgai.
Lateralidad, un tema desconocido pero crucial en el aprendizaje de las niñas y niños
Matan al exlíder nacionalista corso Alain Orsoni en el funeral de su madre
El PNV defiende a Imaz y el PP lo elogia tras doblegarse ante Trump y una pintada en Zumarraga
Guardia Zibilak Altsasuko gaztetxearen eta Udalaren aurka egin du, zazpi kontzertu aitzaki
