Udalerri Euskaldunen Mankomunitateak (UEMA) Batzar Nagusia burutu du larunbat goizean Zumaian. Bertan, Zerain UEMAko kide izatea onartu du eta dagoeneko, lau herrialdeetako 73 udalerri bilduko ditu UEMAK.
Gogora ekarri dutenez, Espainiako Gobernuaren ordezkariak helegitea jarri diola Zeraingo udalak UEMAn sartzeko hartutako erabakiari. Ildo horretan, aktak euskaraz bidaltzen jarraitzea erabaki duten udalak babestuko ditu UEMAk.
Aduna, Arama, Antzuola, Bergara, Amezketa, Beizama, Elgeta, Gaintza, Oiartzun, Oñati eta Usurbilgo udalek aktak euskaraz bidaltzen jarraituko dute eta helegiteei aurre egiteko bideari ekingo diote epaitegietan. UEMAren aholkularitza juridikoa baliatuko dute udalek horretarako. Eta Eusko Jaurlaritzak aktak euskaraz bidaltzea legezkotzat joaz udaletara bidalitako txosten juridikoa izango da defentsarako oinarria.
Espainiako Gobernu ordezkaritzak jarritako helegiteei «bat eginda» erantzun beharra aldarrikatu dute eta UEMA instituzio eta eragileekin harremanean ari dela adierazi dute.
EH Bildu Gasteiz censura el uso de 2 millones de euros públicos en beneficio de El Corte Inglés
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
