Han ziren, esaterako, Hendaia, Hondarribia, Errenteria, Biarritz eta Baionako auzapezak, EHUko errektore Iñaki Goirizelaia edota Baionako Merkataritza eta Industria Ganberako hainbat ordezkari.

Aspaldi abiatutako elkarlanaren fruitua izan dela nabarmendu dute. Aazken urteotan eginiko hainbat azterketen ondorioz diagnostiko zehatzak finkatu dituzte hainbat esparrutan eta hortik eratorritako lan-ildoak markatu dute gaur aurkeztutako plangintza.

Lau ardatz estrategikoan banatu dituzte lehentasunak: Euroeskualdeko herritartasuna; jakintzaren ekonomia, berrikuntza eta enpresa lehiakortasuna; Lurralde iraunkorra eta gobernantza irekia. Horien barnean sustatuko dituzte, besteren artean, hizkuntza-aniztasuna eta euskararen garapena, berrikitan aurkeztutako euroeskualdeko campusa, enplegu politika komunak, langileen edota gaztean mugikortasuna, energia berriztagarrien garapena edota garraiobideen eskaintza.

Euroeskualdea indartzea lehentasuntzat izaki, EBtik datozen fondoen aukerak are eta gehien baliatzea dute helburu. Plan estrategiko honekin Akitania eta EAEn arteko harremanetan bide berri eta aukeraz beterikoa abiatzen dela nabarmendu dute.