Zarautzek irekitako bideari jarraiki, eta Euskal Fondoak bultzatuta, ‘Desioak Sutan Sahararentzat’ ekimena aurkeztu dute gaur, abuztuan zehar hainbat herritako zeruak koloreztatuko dituena.
Abuztuaren 2an Getarian egingo da ekimena, 9an Aian, 16an Zarautz, Kuartango eta Larrabetzun eta, azkenik, 21ean Tolosaldean. Herriei gogoratu diete oraindik garaiz daudela ekimenarekin bat egiteko.
Modu horretan, herri horietan suzko bolak salduko dituzte eta aipatu egunean zeruratuko dituzte, Sahararen alde. Bola horiek saltzen lortuko duten dirua errefuxiatuen kanpamenduetan abian dauden proiektuak bultzatzera bideratuko dute.
Horrez gain, Eñaut Elorrietak propio egin duen abestia eta bideoklipa aurkeztu dituzte.