EKHEk eta GARAk ‘Ikuska’ euskarazko dokumental bilduma berreskuratu dute euskarri digitalean hedatzeko. 1979 eta 1984 artean euskal zuzendari talde batek, Antxon Ezeizaren koordinaziopean, garai hartako Euskal Herriaren erradiografia egin zuten film haietan. Durangoko Azokan salgai izango dira 21 dokumental biltzen dituen liburua eta hiru DVD. Liburua euskaraz eta gaztelaniaz, eta filmak euskaraz. Ezinbesteko dokumentua garai hura eta gaurkoa ulertzeko.