Ustezko hiru Al-Qaedako kide atxilotu ditu polizia espainolak Cadizen. Atxilotuak bi txetxeniar eta turkiar bat dira eta, polizia iturrien arabera, atentatuak egitekoak ziren.

Andaluzian lehergailuak gordetzeko erabiltzen zuten etxebizitza bat omen zuten.

Jorge Fernandez Diaz Gobernu espainiarreko Barne ministroak prentsaurrekoa eman du Madrilen, polizia operazioaren berri emateko.

Azaldu duenez, «zantzu argiak» daude frogatzeko atxilotuak Estatu espainolean edo Europan atentatua egiteko prestaketa lanetan ari zirela. Era berean, «autobus bat txikitzeko» besteko lehergai kopurua atzeman dietela gaineratu du.