Euskaltegiek eta hezkuntzako hainbat eragilek agerraldia egin dute Euskaltzaindiaren egoitzan, Bilbon. «Zatoz euskaltegira» kanpainaren barruan egin den lehen ekitaldia izan da, gurasoei begira, eta bertan adierazi duten bezala, «gurasoen jarrera aktiboa oso inportantea da», haurrak euskalduntzeko prozesuan. Halaber, transmisioa «ezinbestekoa» dela azpimarratu dute.
«Umeak euskaraz hezi behar ditugu: euskaraz hezteko ereduak daude, alabaina, dakiten gurasoek seme-alabei euskaraz mintzatu behar diete eta ez dakitenek, ordea, prestakuntza jaso beharko lukete», adierazi dute.
Agerraldian izan dira, batetik, AEK, IKA, Batuz, Elkarlan, Deustuko euskal irakaslegoa, Aurten bai, Bai&By, Maizpide eta udal euskaltegiak, eta bestetik, Koldo Tellitu (Euskal Herriko Ikastolen Federazioa), Mikel Ormazabal (Kristau Eskola),eta Lurdes Imaz (EHIGE) hezkuntzako eragileak. Arantza Aurrekoetxea Eusko Jaurlaritzako Hezkuntza sailburuordea eta Joseba Erkizia HABEko zuzendari nagusia ere izan dira ekitaldian.
Ekitaldian azaldu dutenez, ohiko ikastaro eta moduluez gain, gurasoei bereziki zuzendutako eskolak eskaintzen dituzte euskaltegiek, «gurasoen behar komunikatibo nagusietara eta ordutegietara egokitutakoak».
El portavoz del PNV en Getxo ocultó que estaba en el proyecto de lujo que derribó el palacete
Un hombre mata a Yaneli Gonzales, una mujer de 31 años, en el barrio bilbaino de Santutxu
Fallece el hombre que se arrojó por el balcón en Bilbo tras acuchillar a sus padres
Investigan la muerte de un hombre cuando accedía al estadio de Anoeta
