Ikerketa Soziologikoaren Zentroak (CIS) kaleratu duen azken barometroaren arabera, PPk berriro irabaziko lituzke Estatu espainoleko bozak, botoen %28,2 lortuta.
PSOEren boto estimazioa igo egin da, %24,9ra iritsi arte, baina hala ere PPrengandik 3,3 puntura geldituko litzateke Pedro Sanchez buru duen alderdia.
Boto estimazioetan indar handiz sartu ziren Estatu mailako bi alderdi berriek, Podemos eta Ciudadanosek, behera egin dute. Hala, Pablo Iglesiasen alderdia hirugarren indar gisa agertzen da CISen inkestan, botoen %15,7rekin, duela hiru hilabeteko barometroarekin alderatuz ia zazpi puntu galduta.
Ciudadanosek bozen %11,1 lortuko luke (apirileko datuekiko bi puntu galduta), laugarren indar gisa agertuz.
IUk beherako bidean jarraitzen du, %3,7ko boto estimazioarekin (apirileko barometroak %4,8 aurreikusten zuen) eta UPyDk ere babes txikiagoa lortuko luke, botoen %1,3 besterik ez (apirilean, %1,9).
Bestalde, CIS inkestak aipatzen du langabezia (herritarren %78arentzako da lehen kezka) eta ustelkeria direla herritarren kezka nagusiak.
Buruzagi politikoei dagokionez, Uxue Barkosek jarraitzen du Estatu mailan baloratuena izaten, Joan Baldovi (Compromis) eta Pedro Sanchezen (PSOE) aurretik.
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
