Bizkaiko PPko presidente den Anton Damboreneak EAJri egotzi dio biktimen «beste mapa bat egiten» duela, non «terroristenak eta terroristenak ez diren biktimak multzo berean» nahasten dituen. Honen helburua da, bere ustetan, alderdi jeltzalearen «lehengusu» den EH Bildu «eroso sentitzea eta biktimak gogoratzeko ekitaldiekin koalizioak bat egitea».
Damboreneak gaineratu du azaroaren 10a «soilik terrorismoaren biktimen» eguna dela. EAJ urte askotan egun hori «manipulatzen» saiatu dela salatu du, «EH Bilduk egun horrekin bat egin dezan, nahiz eta terrorismoa ez kondenatu».
Horrez gain, Bizkaiko PPko presidenteak tamaldu du frankismoko biktimak «ez dakit nongo biktimekin» nahastu behar izatea, frankismoa «duela 40 urte amaitu zelako eta ETA oraindik existitzen delako». PPk terrorismoaren era guztietako biktimak ohoratzen jarraituko duela gehitu du, «baita GALen biktimak ere».
Honen harira, esan du «nahi badute, terrorismoaren biktimak omentzeko beste egun bat finkatu dezakete, genero indarkeriaren biktimak omentzeko beste bat, beste bat lapurreten biktima izan direnentzat, eta beste bat nahi duten biktimentzat».
EH Bildu Gasteiz censura el uso de 2 millones de euros públicos en beneficio de El Corte Inglés
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
