Atzera utzi ditu Athleticek gaur jarraiki zituen beldurrak eta garaipen garrantzitsua lortu du San Mamesen. Oker hasi dira kontuak, 20. minutuan Parejok Valentzia aurreratu ostean. Lehen zatia amaitzerako konpondu dute akatsa Valverderen mutilek, Laportek egin du gola lehen zutoinetik zetorkion baloi bat barrura sartuz.

Bigarren zatian ere izan dituzte aukerak Valentziako jokalariek baina ez dute asmatu, euren akatsak baliatuz Athleticek bere gain hartu du partida eta Susaetak lehenbizi eta Adurizek gero 3-1ekoa ezarri dute markagailuan.

Festa arratsaldea izan da San Mamesen, zaleek asko gozatzeko tartea eman duena. Txalo artean agurtu dituzte zaleek euren jokalariak.