NAIZ

Mikel Nievek irabazi du Giroaren 13. etapa; Amador da lider berria

Mikel Nieve leitzarrak (Sky) irabazi du Giroaren 13. etapa. Andrey Amador (Movistar) da sailkapen nagusiko lider berria. [Lasterketaren xehetasun guztiak]

Mikel Nieve, helmugan garaipena ospatzen. (Luk BENIES/AFP)
Mikel Nieve, helmugan garaipena ospatzen. (Luk BENIES/AFP)

Mikel Nievek eskuratu du Palmanova eta Cividale del Friuli arteko etapa, 170 kilometrokoa.

25 txirrindularik osatutako talde batek ihesaldia egin du eta helmugara iristeko azken aurreko mendatean erasoa jo du leitzarrak. Bakarrik sartu da helmugan, 4 ordu, 31 minutu eta 49 segunduko denborarekin. 45 segundura iritsi da Giovanni Visconti (Movistar) italiarra.

Nievek esan duenez, Mikel Landa erretiratu ondoren taldearen helburua etapa bat irabaztea zen; geratzen diren mendiko etapetan beste garaipen bat eskuratzen saiatuko dela gaineratu du.

Sailkapen nagusian, Andrey Amador costarricarra da lider berria. Movistar taldeko txirrindulariak 26 segunduko abantaila du Bob Jungels-ekiko eta 41ekoa Vincenzo Nibalirekiko.

Bihar 14. etapa jokatuko da, Alpago eta Corvara artean (201 kilometro).