«Kabale sanoak salbatuak dira, zaintze sanitarioa onartu du administrazioak», azaldu du ELB sindikatuak ohar batean. Laborantza Ministerio frantsesak Gabadi, Domintxaine eta Barkoxeko hiru etxaldetako hegaztiak hiltzeko agindua eman zuen, baina laborari eta herritarren mobilizazioek asmo hori eragotzi zuten birritan, azkena apirilaren 21ean.
ELBk adierazi duenez, oilo eta ahateak zanitzapean jarriko dituzte eta hiru etxaldeetako ekoizleek analisiak egin beharko dituzte hegaztiak sano daudela baieztatzeko. Pirinio Atlantikoetako Prefeturak agiriak bidali dizkie, erabakiaren berri emateko.
Mobilizazioak, funtsezkoak
Sindikatuaren iritziz, mobilizazioak funtsezkoak izan dira hegaztiak salbatzeko. «Kalitatezko laborantza eta kalitatezko janaria sostengatzeko» mobilizatu direla nabarmendu du.
Nolanahi ere, ekoizleek egin behar dituzten analisien kostu «ikaragarriaz» ohartarazi du eta administrazioaren jarrera ere salatu du, «mehatxatzeko arma guztiak erabiliko dituela» uste baitu sindikatuak.
«Bistan da, ez dugu horrelakorik onartuko edozein jazarpen agertzen balitz ondoko egunetan», nabarmendu du ELBk.
Aurrera begira, erronka etxaldeen arriskuak kontuan hartuz «bio-segurtasun» arauak onartaraztea dela adierazi du.
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
